11 ՄԵՏՐԱՆՈՑ «ԳՆԴԱԿԱՀԱՐՈւԹՅՈւՆ». ՎԻՃԱԿԱՀԱՆՈւԹՅՈւՆ ԻՆՖՈԳՐԱՖԻԿԱՅՈՎ
Ինֆոգրաֆիկայում պատկերված է 1976-2016 թվականների Եվրոպայի և աշխարհի առաջնությունների ընթացքում իրացված տասնմեկմետրանոց հարվածների ուղղությունները: 40 տարվա ընթացքում տեղի է ունեցել Աշխարհի 10 և Եվրոպայի 11 առաջնություն, որոնց ընթացքում ընդհանուր առմամբ փլեյ-օֆֆ փուլի 44 հանդիպման ելքը որոշվել է հետխաղյա 11 մետրանոց հարվածներով: * 44 խաղում գրանցվել է 434 հետխաղյա տասնմեկմետրանոց հարվածներ: Հարվածների 75 տոկոսը հատել է դարպասային գիծը, 16 տոկոս դեպքերում դարպասապահը որսացել կամ ետ է մղել գնդակը, իսկ 9 տոկոս դեպքում գնդակը շեղ է ընթացել կամ դիպել է դարպասաձողին:
Ինչպես երևում է ինֆոգրաֆիկայից՝ աջ վերին և ձախ վերին անկյուններ ուղարկած գնդակները գրեթե հնարավոր չի եղել ետ մղել: Կենտրոնական (վերին հատված) ուղարկած գնդակները դարպասապահներն ընդհարապես չեն որսացել՝ կամ գրանցվել է գոլ կամ էլ հարվածը բարձր է ստացվել(վրիպած):
P.S. Գլխավոր լուսանկարում 1994 թվականի առաջնությունում Իտալիայի հավաքականի առաջատար Ռոբերտո Բաջոն է: Նա չի իրացրել բրազիլացիների հետ եզրափակիչ խաղում վճռորոշ 11 մետրանոց հարվածը:
Աղբյուրներ՝ OPTA, The Economist
Գարեգին Ալեքսանյան