ԿՈՐՈւՍՅԱԼ ԿԱՅՍՐՈւԹՅՈւՆ
Ավ. Իսահակյանի անվան Կենտրոնական գրադարանում կայացավ երիտասարդ նկարչուհի Արևիկ Ծերունյանի «Կորուսյալ կայսրություն» խորագիրը կրող աշխատանքների ֆոտոցուցահանդեսը՝ նվիրված Հայոց Ցեղասպանության 101-րդ տարելիցին:
Ցուցահանդեսը կազմակերպվել է Մայր գրադարանի և Հայաստանի ԱՄՆ շրջանավարտների ասոցիացիայի հետ համատեղ: Այն իրենից ներկայացնում է հեղինակի կողմից գրված վիպակի հիման վրա քանդակային անսամբլի լուսանկարների շնորհանդես:
Բացման և ողջույնի խոսքով հանդես է եկել Հայաստանի ԱՄՆ շրջանավարտների ասոցիացիայի գործադիր տնօրեն Ալեքսանդր Շագաֆյանը, ով հույս հայտնեց Արևիկի օրիգինալ աշխատանքները տեսնել Հայաստանում: Նկարչուհուն ողջունել և ջերմ շնորհավորանքներ են հղել Ավ. Իսահակյանի անվան Կենտրոնական գրադարանի գիտական գծով փոխտնօրեն Ռուզաննա Բարսեղյանը, ՀՀ վաստակավոր նկարիչ Մարտիրոս Բադալյանը և այլոք: