7 հարց. ԼԻԼԻԹ ՄԱՐԳԱՐՅԱՆ
Փորձառու դիզայներ: 1996 թվականից ղեկավարում է «Լիլիթ» նորաձևության տունը: Վերջերս իրականացել է Լիլիթ Մարգարյանի ամենամեծ երազանքը: Նրա «Gallery 100» հավաքածուն ցուցադրվելով արտերկրում՝ ԱՄՆ-ի Լոս Անջելես քաղաքում, արժանացել է այցելուների դրական արձագանքին:
– Ո՞րն է Ձեր նախընտրած մարզաձևը:
– Լողը: Մինչև 6-րդ դասարան ակտիվորեն զբաղվել եմ, կարող էի դառնալ պրոֆեսիոնալ լողորդ, բայց արվեստի հանդեպ հետաքրքրությունը հաղթեց:
– Ո՞րն է Ձեր նախընտրած օծանելիքը, ինչո՞ւ:
– Իմ նախընտրածը օծանելիքը՝ «Guerlain» – «Aqua Allegoria»-ն է, որը, ցավոք, արդեն վաճառքում չկա: Անբացատրելի բույր ունի:
– Ձեր նախընտրած բույրը:
– Կյանքի համն ու հոտը:
– Ձեր նախընտրած ձայնը:
– Ընկերների, հարազատների ձայնը:
– Ինչի՞ց եք ամենաշատը վախենում:
– Ամենից շատ վախենում եմ մեր երկրի ներկա վիճակից: Հայրենիքի կորստյան վտանգից, պատերազմից:
– Եթե հանկարծ հրդեհ բռնկվեր, և Դուք հնարավորություն ունենայիք տանից միայն մեկ իր փրկել, ի՞նչը կընտրեիք:
-Մեր ընտանիքի պատմության վավերագիր լուսանկարների ալբոմը:
– Եթե ընդամենը երեք հանրահայտ մարդու ճաշի հրավիրելու հնարավորություն ունենայիք, ովքե՞ր կլինեին Ձեր սեղանակիցները:
– Վազգեն Ա Կաթողիկոսը, Կոկո Շանելը և Շառլ Ազնավուրը: